Asembleas ASF España 2017

Asemblea ASF 2017O pasado venres 30 de xuño celebráronse en Madrid as Asembleas Ordinaria e Extraordinaria de Arquitectura Sen Fronteiras España 2017. Un fin de semana intenso cuxa apertada axenda incluíu, aproveitando a oportunidade de atoparnos cara a cara xente das distintas demarcacións, outras dúas reunións de traballo.

Dúas foron as novidades máis importantes aprobadas pola Asemblea: a creación da Demarcación Territorial Asturias e a renovación da Xunta Directiva.

Para defender a súa candidatura, dende Asturias achegouse un nutrido grupo de representantes. Tras ser aprobada a súa incorporación pola Asemblea, dende Galicia desexámoslles sorte na súa recentemente iniciada andaina e ofrecémoslles a nosa axuda naquilo que precisen. O seu empeño e o seu traballo contribuirán sen dúbida ao fortalecemento de Arquitectura Sen Fronteiras.

Tras ser elixida, a xa actual Xunta Directiva Nacional quixo agradecer a todos os socios e socias a súa presenza e inestimable apoio. Na súa mente unha nova distribución nas súas vocalías. Vocalías que pretenden ser reflexo das nosas prioridades como organización no novo período 2017-2018:

  • Ángel Martín Ginard (DT Madrid): Presidencia e Vocalía de Persoal Contratado
  • David Fontcuberta Rubio (DT Comunidad Valenciana – Rexión de Murcia): Vicepresidencia e Vocalía de formación, voluntariado e vida asociativa
  • Gemma Cosialls Guillen (DT Catalunya): Secretaría e Vocalía de Personal Contratado
  • Lara Medín López (DT Galicia): Tesourería
  • Javier Cidón (DT Madrid): Vocalía de Proyectos e Vocalía de Estratexia
  • Virginia Arranz Navaza (DT Madrid): Vocalía de Comunicación e Vocalía de Captación e Persoas Socias

A Xunta saínte traballou moi duro. O progreso e mellora en cada unha das áreas é unha realidade. En paralelo, o noso equipo de persoas voluntarias e técnicas non fixeron un esforzo menor, polo que ante todo, agradecerlles a súa paixón e horas dedicadas a este proxecto común.

Con todo, este soño non sería, nin será posible, sen a axuda das nosas socias e socios. Por iso grazas, grazas por estar aí e grazas pola vosa implicación e esforzo. A vosa colaboración fixo posible desenvolver proxectos importantes nestes anos, que están a mellorar as condicións de vida de moitas persoas. Unha colaboración que che agradecemos infinitamente.

Pedra a pedra construimos dereitos a nivel estatal e internacional, loitando por un hábitat digno para colectivos vulnerables. Pero seguimos tendo grandes retos por diante. E, novos retos son os que nos motivan e impulsan para estar á altura de todo o esforzo realizado ata a data. Agora, temos ganas de seguir traballando. Temos ilusión por seguir edificando dignidade xunto a ti.

Entre todas e todos facemos ASF e desexamos que así siga sendo. Grazas, unha vez máis por formar parte deste soño, desta realidade, por crer neste proxecto.

Deixar unha resposta