Este ano todas as ONGD que se presenten ás convocatorias da Xunta de Galicia terán que adaptarse á Lei de Procedemento Administrativo Común das Administracións Públicas. Iso significa que, a partir de agora, todos os trámites deberán facerse electronicamente (a excepción dalgunhas cuestións puntuais).
Co obxectivo de axudalas a adaptarse á nova normativa, e dada a experiencia que en Arquitectura Sen Fronteiras temos neste tipo de tramitación, a Coordinadora Galega de ONG para o Desenvolvemento encargounos a elaboración dun vídeo titorial explicando o procedemento.
Xa está publicada a primeira parte cos seguintes contidos:
- O funcionamento da sede electrónica da Xunta de Galicia
- Os pasos para obter o certificado dixital
O segundo vídeo, no que se explicarán os pasos a seguir (e trucos) á hora de subir os proxectos á plataforma online, estará dispoñible en breve. Farémolo utilizando como exemplo a convocatoria de Educación para o Desenvolvemento que hoxe mesmo saiu publicada.
Esperamos que estes vídeos sexan de utilidade. E que os difundades entre aquelas persoas e organizacións que lles poida interesar.
Deixar unha resposta