Contexto do Proxecto Social Mulleres Colleiteiras

O proxecto de inserción socio-laboral Mulleres Colleiteiras baseado na recollida de aceite vexetal usado para a súa reciclaxe, consta de dúas partes diferenciadas e complementarias: o proxecto social e a cooperativa.

En Abril de 2013 comeza un proxecto piloto no barrio de Montealto coa participación de 23 mulleres en situación de exclusión social. Tras dous anos de experiencia en habilidades sociais e formación prelaboral, difusión do proxecto e búsqueda de clientes, etc., en xullo de 2015 catro das mulleres constitúen ante notario a cooperativa.

O obxectivo do proxecto social é seguir formando a outras mulleres a través de prácticas prelaborais. A medida que o proxecto empresarial se consolide e sexa sostible, as mulleres que participan no proxecto social, poderán ir incorporándose paulatinamente á cooperativa.

Perfil solicitado

• Persoa con experiencia en xestión de proxectos empresariais
• Manexo de programas de ofimática, internet e correo electrónico
• Carnet de conducir e vehículo propio. Capacidade de manexo de furgoneta
• Valorarase a experiencia en organización e xestión de proxectos empresariais de tipo social (economía social, cooperativas, empresas de inserción, etc.)
• Valoraranse os coñecementos e experiencia de xestión de grupos
• Valorarase a capacidade de traballo en grupo e planificación, capacidade de análise e iniciativa, capacidade de adaptación, resolución de conflictos e mediación, empatía
• Capacidade de planificación, realización e supervisión das tarefas propias das socias traballadoras (en nave e en ruta)
• Capacidade para transmitir os coñecementos ás compañeiras e experiencia de traballo en grupo
• Coñecemento do ámbito de actuación (Concello da Coruña e comarca)

Obxectivos e tarefas

O traballo estruturarase da seguinte maneira:

Polas mañás, no centro de traballo realizará a supervisión e acompañamento da actividade diaria das traballadoras (socias ou en prácticas) da cooperativa na nave ou nas rutas de recollida no ámbito da comarca Coruña-Ferrol. A través do acompañamento proponse o traspaso paulatino de tarefas ás socias a medida que estas estean preparadas para levalas a cabo.

Esta persoa se unirá ao grupo de traballo formado polas comisións e a coordinación, para o que puntualmente modificarse o horario ás tardes.

Duración do contrato

15 Agosto – 31 Decembro 2017

A partir de Xaneiro 2018 valorarase se a contratación pode ser a través da cooperativa, coa posibilidade de entrar a formar parte como socia da mesma.

Condicións laborais

Salario bruto mensual a percibir 1037,12 €

Localizacións dos espazos de traballo: Nave de Mulleres Colleiteiras no Polígono de Iñás, Oleiros e Oficina de ASF na Escola Técnica Superior de Arquitectura, Campus da Zapateira, A Coruña.

Xornada de 30h á semana en horario de mañá (9h-14h) e unha tarde á semana. Requírese disponibilidade para adaptarse ás demandas da propia actividade e das reunións de coordinación co equipo de traballo.

Proceso de selección

Aquelas persoas interesadas nesta convocatoria deben enviar o seu curriculum vitae ata o xoves 27 de Xullo incluído, sinalando especialmente aqueles aspectos relacionados cos criterios de selección e unha carta de motivación. A dirección de correo é: gtlocal.gal[@]asfes.org. Indicar no asunto “Persoal Mulleres Colleiteiras”.

Máis Información

Para más información consultar os termos de referencia completos da convocatoria.