Convocatoria dunha praza de técnico/a de cooperación internacional de ASF-Galicia

Posto de traballo

Sen prexuízo doutras funcións que poidan xurdir no desenvolvemento do traballo da organización, as principais responsabilidades do posto serán:

Xestión administrativa e coordinación técnica e xustificación económica dos proxectos de Cooperación Internacional.

-Coordinación do equipo de persoas voluntarias.

-Coordinación das actividades de difusión dos proxectos de Cooperación Internacional.

-Formulación e identificación de proxectos.

-Relación cos financiadores en España.

-Apoio nas labores de comunicación do grupo, representación institucional ante os medios.

-Representación de ASF ante redes asociativas vinculadas á Cooperación Internacional.

Perfil/Requisitos

– Técnico/a de cooperación internacional ao desenvolvemento.

– Experiencia en seguimento e xustificación técnica e financeira de proxectos de cooperación ao desenvolvemento.

– Formación e coñecemento das ferramentas do Marco Lóxico así como do Ciclo e Xestión de proxectos de Cooperación.

– Formación e coñecementos na xestión orientada a resultados.

– Experiencia en proxectos relacionados co hábitat.

– Experiencia en xestión de grupo de persoas voluntarias.

– Capacidade de xestión e planificación.

– Capacidade de análise e iniciativa.

– Facilidade de traballo en equipo e con grupos interculturais.

– Manexo de ferramentas informáticas: ofimática (follas de cálculo) e programas de deseño gráfico.

Condicións laborais

O período do contrato será do 1 de outubro ao 31 decembro de 2017 a media xornada.

Localización: Oficina de Arquitectura Sen Fronteiras situada na Escola Técnica Superior de Arquitectura de A Coruña

Salario: 900 euros brutos mensuais (táboa salarial de ASF para media xornada)

Proceso de selección

Aquelas persoas interesadas nesta convocatoria deben enviar o seu curriculum vitae sinalando especialmente aqueles aspectos relacionados cos criterios de selección e unha carta de motivación. Enviar o cv e carta de motivación indicando a referencia “CV Técnico/a en sede” ata o día 23 de setembro de 2017 (incluído) a seguinte dirección: gtguatemala.gal@asfes.org

As persoas seleccionadas en base ao curriculum poderán ser convocadas a unha entrevista persoal. A resolución da praza farase pública o día 27 de setembro.

+INFO: Términos de Referencia completos da convocatoria (galego)

Términos de Referencia completos da convocatoria (castellano)

 

 

Deixar unha resposta