Grazas ás bolsas do Proxecto de Coñecemento da Realidade (PCR) da Universidade da Coruña, no ano 2010 Cristina Blanco e Paula Morales participaron nos proxectos de Arquitectura Sen Fronteiras en Guatemala. Colaboraron en distintas actividades vinculadas ao Programa de Desenvolvemento integral Oxlajuj Tz'ikin no que participaba ASF xunto a outras ONGDs.

Un dos traballos que realizaron foi a redacción dunhas fichas sobre varios materiais de construción axeitados para proxectos de habitabilidade básica: tellas de microconcreto, bloques e paneis de formigón (que ASF xa usaba nos seus proxectos na zona) e adobe, tapial e bambú (que ASF estaba a plantexarse utilizar).