Falando do Dereito ao Hábitat no IES Pedra da Aguia de Camariñas

Plan Proxecta no IES Pedra da Aguia

Nova actividade do Plan Proxecta, nesta ocasión o pasado 27 de abril no IES Plurilingüe Pedra da Aguia de A Ponte do Porto – Camariñas.

Unha sesión con 25 rapaces e rapazas de 3º de ESO que comenzamos coa explicación a Unidade Didáctica. De seguido, exposición e comentarios sobre as fotos que días antes sacaran de varios lugares da súa contorna. Unha charla chea de intervencións que se alongou máis do previsto. Para rematar, proxectamos o audiovisual Pedra Papel sobre a realidade dos nenos e nenas do asentamento precario de A Pasaxe.

Tiñamos preparado un xogo de rol no que poñerse no lugar de persoas de diferente condición, idade, xénero e circunstancias, mais quedará para outra ocasión.

Grazas a todos e todas. Foi un pracer compartir convosco esta sesión que se nos fixo tan curta.

Ata a próxima!

Deixar unha resposta

Este sitio emprega Akismet para reducir o spam. Aprende como se procesan os datos dos teus comentarios.