O pasado 21 de decembro inaugurouse na Coruña a exposición fotográfica “Tecedoras do Cambio“. Ata alí acudimos a invitación da Coordinadora Galega de ONGDs e o Concello da Coruña. Unha das protagonista da exposición é Juventina López, membro de ASIAPRODI, compañeira e amiga de ASF en Guatemala.
Con Tecedoras do Cambio a CGONGD aproxímanos ao traballo de 15 mulleres que se significaron pola súa loita diaria por conseguir unha vida digna para as persoas que conforman as súas comunidades. Unha homenaxe que nos ensina que outro mundo é posible.
A exposición permanecerá na Praza de Pontevedra ata o 5 de febreiro. Se non podes achegarche tamén está dispoñible en liña na web da Coordinadora.
Deixar unha resposta