[rev_slider alias=quensomos]

Voluntariado e Formación

O grupo de voluntariado e formación é un grupo transversal a todos os demais da organización. Xorde da necesidade da xestión do voluntariado e da súa formación específica para poder desenvolver o seu labor. O voluntariado en Arquitectura Sen Fronteiras representa o motor executor da organización, xa que maior parte das tarefas son decididas e desenvolvidas por eles e elas, polo que as actividades deste grupo de traballo resultan fundamentais.

Dentro deste grupo, xestiónase por una banda todo o ciclo de voluntariado: dende a impartición de charlas de acollida, pasando pola integración nalgún ou nalgúns dos grupos actuais, asesorando, acompañando e realizando un seguimiento persoalizado da evolución de cada un ou cada unha.

Por outra banda, xestiónase a súa formación seguindo un plan realizado de xeito participativo por todos os grupos e os seus integrantes. É dicir, búscanse os cursos e formacións dispoñibles, partindo das necesidades de cada grupo, para formar ao seu propio voluntariado. Ademáis realízanse cursos e actividades propias internas, para alcanzar os coñecementos necesarios e poñelos en práctica no traballo voluntario.

Voluntariado e Formación