Imaxe 3D do edificio terminado

Comezaron as obras de construción do albergue comunitario da Comunidade Indíxena Mam Cajolá, que dará servizo ás 267 familias indíxenas, na súa maioría nais solteiras e viúvas, recentemente reasentadas no municipio de Champerico, Retalhuleu, Guatemala.

Esta construción inclúe unha área de albergue, adegas, cociña, unha área de lavado, duchas e catro sanitarios. Vaise construír grazas á colaboración de toda a comunidade e o financiamento da Generalitat Valenciana, Xunta de Galicia e Deputación da Coruña.

Como acto símbolico de colocación da primeira pedra plantouse unha árbore e realizouse unha cerimonia maia.