No ano 2008 Arquitectura Sen Fronteiras foi convidado a participar no Programa de Desenvolvemento Integral Oxlajuj Tz'ikin promovido pola Xunta de Galicia (España). O obxectivo do devandito programa era desenvolver unha intervención que integrase diferentes accións de educación, saúde, habitabilidade básica, xestión de riscos, fortalecemento comunitario e institucional, equidade de xénero e impulso de actividades produtivas; en dezaoito comunidades de escasos recursos do Departamento de Retalhuleu, na costa sur de Guatemala. Esta iniciativa a levaríana a cabo organizacións españolas e contrapartes guatemaltecas especializadas en cada unha destas materias. Deste xeito, ademais da participación de Arquitectura Sen Fronteiras, interviñeron as organizacións españolas Educación Sen Fronteiras, Farmamundi e ACSUR as Segovias, e as organizacións guatemaltecas PRODESSA, ASECSA, CONIC, INCIDE, CEIBA, CPDL e ASIAPRODI.

Dentro deste armazón interdisciplinar, Arquitectura Sen Fronteiras foi o encargado da execución do proxecto de construción de vivenda, como parte da liña de habitabilidade básica. Con este obxectivo, Arquitectura Sen Fronteiras deseñou unha intervención complexa de habitabilidade na que a construción e mellora de vivenda iría acompañada do fomento dunha actividade produtiva vinculada á propia construción e a capacitación de albaneis e mestres de obra locais.