Posta en práctica da unidade didáctica Construímos Reciclamos durante as actividades de verán, gratuítas e para todos os públicos, organizadas para celebrar o Ano Internacional da Enerxía Sustentable para Todos polo Museo da Enerxía de Ponferrada.
As actividades dividíronse en dúas xornadas. O primeiro día dedicouse á construción de muros con botellas de plástico, divulgando a investigación realizada o ano anterior. O día seguinte tivemos a oportunidade de explicar os proxectos nos que ASF Galicia estaba a traballar e contestar ás preguntas dos e das asistentes nunha charla e coloquio posterior.
