Foi un intenso último trimestre do ano na Coruña. Multitude de iniciativas de diferentes organizacións coincidentes no tempo. Moitas delas financiadas polo concello coruñeses a través do  Co-Lab. Defínese a si mesmo como laboratorio cidadán, un espazo aberto no que persoas e colectivos de toda a cidade, con distintas capacidades, visións e coñecementos, deseñan e desenvolven xuntas accións para a mellora da súa contorna.

Neste episodio achegámonos a tres desas iniciativas directamente dirixidas á participación cidadá na transformación dos espazos que vivimos: Oasis Montealto, participAGRA e Co urbanismo nos talóns. Tres entrevistas nas que nos explican os seus obxectivos, metodoloxías e resultados.