Hoxe queremos presentarvos os contidos da segunda sesión do Seminario Hábitat a Escala Humana. Terá lugar o próximo mércores 27 de outubro ás 18:30h CEST de forma virtual a través da seguinte ligazón na plataforma zoom e en directo na nosa canle de youtube.
A sesión estruturarase a través de dúas intervencións.
Primeiro escoitaremos a Marta Pascual na súa conferencia La confluencia entre las necesidades humanas y de la Tierra. Ela é licenciada en Ciencias da Educación, profesora de Intervención Sociocomunitaria e activista en Ecologistas en Acción coordinando a área de Educación e Participación e participando na de Ecofeminismos.
Despois contaremos con Miriam Leirós, mestra de primaria, educadora e intérprete ambiental. Tamén coordina o colectivo de Teachers for Future Spain e conversará con nós sobre Educación ecosocial: educar involucrando.
Ao finalizar abriremos un espazo de reflexión e preguntas para que todas as personas participantes teñan a oportunidade de intervir e preguntar. Agradecemos moito a participación.
Con esta sesión pecharemos esta edición do seminario, pero quedarán á vosa disposición as dúas sesións na nosa canle de youtube.
Agardámosvos!
Deixar unha resposta