Obxectivo da convocatoria

A presente convocatoria ten como obxectivo a selección dunha persoa ou equipo consultor para a elaboración dunha Liña de Base e a Avaliación Externa do Proxecto “Investigación – Acción – Formación para fortalecer a educación e integración do dereito ao hábitat en centros educativos de secundaria e entre axentes multiplicadores clave en Galicia Fase I” –co acrónimo DH2019-20- promovido pola ONGD Arquitectura Sen Fronteiras e co cofinanciamento da Subdirección Xeral de Relacións Exteriores da Xunta de Galicia.

A liña de base servirá para recoller a situación inicial sobre o coñecemento do dereito ao hábitat e as súas dimensións dos colectivos e axentes multiplicadores que participan no proxecto.

Tarefas a realizar

De xeito resumido, as tarefas a realizar agrúpanse nas seguintes fases:

Liña de base:

• Fase 1: Planificación da liña de base. Definición e deseño
• Fase 2: Elaboración da liña base
• Fase 3: Redacción do informe de síntese final
• Fase 4: Presentación de informe final e resultados.

Avaliación:

• Fase 1: Elaboración da planificación da avaliación. Definición e deseño
• Fase 2: Execución e recompilación da información necesaria
• Fase 3: Redacción do informe de síntese final
• Fase 4: Difusión e presentación de resultados.

Remuneración

A elaboración da avaliación será obxecto dunha retribución bruta de 4000,00 Euros (IVE incluído). Distribuirase do seguinte xeito trala emisión das facturas correspondentes e sempre dentro do período de realización do proxecto.

Os pagos fraccionaranse do seguinte xeito:

• 25% (1000€) ao inicio da fase II da liña base
• 25% (1000€) ao final da fase IV da liña base
• 25% (1000€) ao inicio da fase II da avaliación
• 25% (1000€) ao final da fase IV da avaliación

Candidaturas

As persoas ou equipos interesados deberán enviar a súa candidatura á dirección gteducación.gal@asfes.org ata o día 20 de outubro de 2019 incluido, especificando:

• Solicitude firmada á que se postula (segundo anexo I)
• Esquema inicial das propostas de liña de base e avaliación máx A4 (segundo anexos II e III nos Termos de Referencia)
• Datos de contacto
• Curriculum Vitae acreditando los méritos e coñecementos necesarios relacionados coa avaliación de proxectos

Máis información

Termos de Referencia completos