Iniciando o ‘Plan Proxecta’

 

Plan Proxecta no IES Franciso Aguiar de Betanzos

Unha das sesións do Plan Proxecta no IES Franciso Aguiar de Betanzos

Tras varias colaboracións puntuais en proxectos de educación anteriores, o Proxecto Terra propúxonos presentar conxuntamente un programa para o Plan Proxecta deste curso 2015/2016 da Consellería de Educación, Cultura e Ordenación Universitaria da Xunta de Galicia. A iniciativa ten por obxectivo fomentar a innovación educativa nos centros a través de programas educativos que desenvolvan competencias clave do curriculum e elementos transversais, nos cales se inclúe a educación en valores.

O tema que escollemos para seren traballado nos centros educativos foi o Dereito ao Hábitat. Compartimos coas escolas e institutos a Unidade Didáctica Dereito ao Hábitat elaborada pola cooperativa galega Hábitat Social, así como todo o material educativo de ASF que está dispoñible na nosa web de recursos educativos.

A proposta foi moi ben recibida e trinta e seis centros das catro provincias galegas mostraron interese, e xa están a promover a realización de proxectos baixo esta temática. Persoas técnicas e voluntarias de ASF están a dar apoio e seguimento aos centros interesados a través da realización de actividades nas aulas, encontros co profesorado e asesoramento das iniciativas a desenvolver.

Para ASF participar neste programa está a resultar unha experiencia altamente positiva, xa que permite achegarnos a centros de toda a xeografía galega e traballar co alumnado de diferentes contextos un tema universal como é o dereito ao hábitat.

Deixar unha resposta

Este sitio emprega Akismet para reducir o spam. Aprende como se procesan os datos dos teus comentarios.